१५ माघ

विद्युतीय कारोबार ऐन अन्तर्गतको कसुरमा फरार रहेका एक व्यक्ति कास्कीका एक युवक त्रिभुवन अन्तर्राष्ट्रिय विमानस्थल काठमाण्डौबाट पक्राउ गरेका छन् ।

कास्कीको रूपा गाउँपालिका ७ सिस्नेरीका ३१ वर्षीय मुक्तिनाथ खनाल बैदेशिक रोजगारीबाट फर्कने क्रममा पक्राउ परेका हुन् ।

प्रहरीका अनुसार बैदेशिक रोजगारीमा रहँदा खनालले सामाजिक संजाल फेसबुकमा साथी बनेर म्यासेनजरमा महिलाहरुलाई ललाइफकाइ प्रलोभनमा पारी नग्न तस्वीर र भिडीयो प्राप्त गरी श्रीमान् लगायत आफन्तजनलाई सार्वजनिक गरिदिने धम्की दिँदै ब्ल्याकमेल गरेको आरोप छ ।

प्रहरी प्रधान कार्यालय साइबर ब्यूरोका अनुसार उनी विद्युतीय कारोबार ऐन २०६३ अन्तर्गत कसुर मुद्दा दर्ता फरार रहेका थिए ।
पक्राउ परेका खनालमाथि थप अनुसन्धान भइरहेको प्रहरीले जनाएको छ ।