१७ जेठ
काठमाडौं । प्रधानमन्त्री एवम् नेकपा एमाले अध्यक्ष केपी शर्मा ओली र जनता समाजवादी पार्टीका महन्थ ठाकुर पक्षबीच बालुवाटारमा छलफल जारी भईरहेको छ ।
आफुहरुको अधिकांश माग यो सरकारले पुरा गरेको भन्दै महन्ठ ठाकुर पक्ष ओली नेतृत्वको सरकारमा सहभागी हुने निर्णय गरेको छ ।
यही सन्दर्भमा सरकारमा जाने वातावरण भएकोले भन्दै बालुवाटारमा प्रधानमन्त्री लगायतका नेतासँग छलफल भइरहेको जसपा नेता डा.सुरेन्द्र कुमार झाले जानकारी दिएका छन् । यता उक्ता बैठकमा जसपाका उपेन्द्र यादव पक्ष भने सहभागी छैनन् ।
जसपालाई सरकारमा ८ वटा मन्त्रालय दिने सहमति जुटेको अर्का सांसद प्रमोद साहले बताए।
‘८ वटा मन्त्रालय र २ राज्यमन्त्री लिएर हामी सरकारमा जान्छौँ,’ साहले भने, ‘राजेन्द्र महतोको लिडरसिपमा सरकारमा जाने तयारी भएको छ। तर, अन्तिममा लिडरसिप परिवर्तन पनि हुनसक्छ। त्यसमा मन्त्रालयको जिम्मेवारीले अर्थ राख्छ।’
मन्त्री बन्न चाहनेहरुको सूची भने लामो छ। आकांक्षी धेरै भएकाले निर्णय गर्न नसक्दा केहीअघि नै सरकारमा जाने तयारी गरिए पनि अहिलेसम्म रोकिएको नेताहरुले बताए।








