१२ जेठ
काठमाडौँ। जनता समाजवादीका अध्यक्ष उपेन्द्र यादवलाई अर्का अध्यक्ष महन्थ ठाकुरले स्पष्टीकरण सोधेका छन्। ७ बुँदे स्पष्टीकरण ३ दिन भित्र बुझाउन भनिएको छ।
काँग्रेस सभापति शेर बहादुर देउवालाई प्रधानमन्त्री बनाउन आफू सहितका सांसदहरूलाई पार्टी निर्णय तथा हित विपरीत हस्ताक्षर गर्न लगाएको आरोप ठाकुरले लगाएका छन्।
जेठ ११ गते काटिएको सो सात बुँदे स्पष्टीकरणमा पार्टी एकता विरोधी गुट चलाएको, एकल अध्यक्षतामा पार्टीको बैठक चलाएको, लुम्बिनी प्रदेशका ४ सांसदलाई अनधिकृत रूपमा कारबाही गरिएको लगायतका आरोप लगाउँदै यादवलाई स्पष्टीकरण काटिएको हो।
फुटको औपचारिक घोषणा हुन बाँकी रहेको जसपा यो स्पष्टीकरण प्रकरण पछि भन्ने औपचारिक विभाजनमा जाने देखिएको छ।
