६ माघ
काठमाण्डौ। नेपाल आयल निगमले पेट्रोलियम पदार्थको मूल्य वृद्धि गरेको छ । निगमले पेट्रोल, डिजेल र मटितेलको मूल्यमा प्रतिलिटर ३ रुपैयाँको दरले मूल्य वृद्धि गरेको हो।
वृद्धि भएको मूल्य अनुसार पेट्रोल अब १३९ रुपैयाँ र डिजेल/मटितेल १२२ रुपैयाँ पुगेको छ ।
यस्तै,आन्तरिकतर्फको हवाइ इन्धनको मूल्य प्रतिलिटर ५ रुपैयाँले बढेर १०६ र अन्तर्राष्ट्रिय हवाइ इन्धनको मूल्य प्रति किलाेलिटर १०० डलरले बढेर ९९५ पुगेकाे छ ।
खाना पकाउने एलपी ग्यासमा भने पहिलेकै मूल्य यथावत राख्ने निर्णय गरिएको निगमले जनाएको छ ।








