२५ साउन
पर्वत । सेवा विस्तारको साथै कोभिड व्यवस्थापनका लागि नयाँ कार्यक्रममा जोड दिने संस्थाको भनाई । समृद्ध समाचारदाता/नेष्डो समृद्ध लघुवित्त वित्तीय संस्था लिमिटेडको आर्थिक वर्ष २०७७/७ ८ को प्रगति समिक्षा, आर्थिक वर्ष २०७८/७९ को कार्यक्रम सार्वजनिक तथा कोभिड व्यवस्थापन कार्यशाला गोष्ठी आईतावार मौलाकालिका कलष्टर गैंडाकोटमा सम्पन्न भएको छ । गोष्ठीमा वित्तीय संस्थाका चितवन, नवलपुर र नवलपरासी जिल्लामा रहेका १७ वटा शाखामा कार्यरत शाखा प्रवन्धक तथा केन्द्र प्रवन्धक गरी ७८ जनाको सहभागिता रहेको थियो ।
उक्त गोष्ठीमा विगत आर्थिक वर्षको लक्ष्य, प्राप्त उपलव्धी, अपेक्षित उपलव्धी हासिल नहुनको कारण र यस वर्षको लक्ष्य प्राप्तीको लागि अनुशरण गरिने रणनीतिहरुको वारेमा छलफल गरिएको थियो । कार्यक्रममा सहभागी शाखाले शाखाको लक्ष्य र उपलव्धीको साथै कोभिडको प्रभाव र समाधानका उपायको वारेमा आफ्ना अनुभवहरु प्रस्तुत गर्नु भएको थियो । गोष्ठीमा वरिष्ठ प्रवन्धक युधिष्ठिर भुषाल, सहायक प्रवन्धक प्रमुख उत्तम प्रसाद अधिकारी, सहायक अनुगमन अधिकृत रामचन्द्र गौतम लगायतले सहजीकरण गर्नु भएको थियो ।
गोष्ठीको शुभारम्भ गर्दै वित्तीय संस्थाका संस्थापक अध्यक्ष विश्व प्रकाश प्रसाईले कोभिडवाट सवै क्षेत्र मारमा परेको भएता पनि विपन्न वर्गको जीविकोपार्जनमा सवै भन्दा वढि प्रभाव परेको भन्दै प्रभाव न्यूनिकरणको लागि लघुवित्त सेवाले विशेष सहयोग पु-याएको वताउनु भयो ।
उहाँले लघुवित्त संस्थाले विपन्न वर्गको राहातको लागि अन्य कल्याणकारी सुविधाको साथै ५ प्रतिशत व्याज छुट गरी १५ प्रतिशत कायम गरेको वताउनु भयो । विपन्न वर्गमा परेको कोभिडको प्रभावलाई राहात दिन लघुवित्त संस्थाहरुले सेवा शुल्कमा समेत छुट गरेको वताउनु भयो । उहाँले कोरोना विशेष कर्जा सुविधाले धेरै विपन्न वर्गको व्यवसायिक प्रवद्र्धनमा सहयोग पुगेको वताउनु भयो । प्रसाईले कोभिड कोभिड भनी हात वाँधेर वस्दा देशमा भयामह आर्थिक संकट आउन सक्ने भन्दै अव लिभिङ वीथ कोभिडको रणनीति अवलम्वन गर्नुपर्नेमा जोड दिनु भएको छ ।
कोभिड संक्रमणवाट कर्मचारी र सदस्यलाई वचाउनको लागि स्वाथ्य उपकरण तथा स्वास्थ्य सामाग्रीको समेत व्यवस्था गरिएको भन्दै अध्यक्ष प्रसाईले कोभिड संक्रिमित कर्मचारी, कर्मचारीको परिवारका सदस्य, संस्थामा आवद्ध सदस्य एवम् उहाँहरुको परिवारलाई आर्थिक राहातको प्याकेज ल्याउनु उदारणीय भएको वताउनु भयो । नेष्डो समृद्धले पहिलो चरणमा ७८ हजार संस्थाका सदस्य परिवारमा मास्क पु-याउने गरी अभियान अगाडी वढाएको वताउनु भएको छ ।
कार्यक्रममा हरेक शाखालाई अक्सोमिटर, थर्मलगन, स्थानीटाईजर, के.एन ९५ मास्क, सर्जिकल मास्क, पिपिई सेट, एन्टिजिन किट्स लगायतका स्वास्थ्य उपकरण र सामाग्री वितरण गरिएको थिथो ।








