१६ चैत्र
पर्वत– जिल्ला अस्पताल पर्वतका बिरामीहरुलाई फलफुल वितरण गरिएको छ । नेपाल पत्रकार महासंघको ६४ औँस्थापना दिवसको अवसरमा पर्वत शाखाले जिल्ला अस्पताल पर्वतका विरामीलाई फलफुल वितरण गरिएको हो । बिरामीहरुलाई शिघ्रस्वास्थ्य लाभको कामना गर्दै फलफूल वितरण गरिएको नेपालपत्रकार महासंघ पर्वत शाखाका सचिव गणेश गिरीले जानकारी दिनुभयो ।

कार्यक्रममा बोल्दै प्रमुख अतिथी जलजला गाउँपालिकाका अध्यक्ष यामवहादुर मल्ल ‘रामकृष्ण’ले राज्यमा सबै ब्यवस्था परिवर्तन गर्न पत्रकारहरुको महत्तपूर्ण भुमिकारहेको बताउनु भयो ।पत्रकार महासंघको स्थापना दिवसको अवसरमा सवै कलमजिवी वाक स्वतन्त्रका पक्षधर पत्रकारहरुलाई शुभकामना दिँदै देशमा भईरहेका सकरात्मक तथा नकरात्मक कार्यहरुको  वाच डकको भुमिका निभाउन आग्रह गर्नुभयो ।राज्यको चौथो अंगको रुपमा जनप्रतिनिधीलाई  खबरदारी गर्न समेत आग्रह गर्नुभयो ।

प्रमुख जिल्ला अधिकारी गुरुदत्त ढकालले पत्रकारिता समाजको दर्पण भएको बताउनु भयो ।  कार्यक्रममा नेपाल पत्रकारमहासंघ गण्डकी प्रदेशका महासचिव गणेश पौडेल, गण्डकी उद्योग वाणिज्य संघ पर्वतका अध्यक्ष केदारनाथ शर्मा,जिल्ला अस्पताल पर्वतका अध्यक्ष गोबिन्द पहाडी, लगायतले शुभकामना मन्तव्य राख्नू भएको थियो ।

नेपाल पत्रकार महासंघ पर्वतका अध्यक्ष छविलाल तिवारीको अध्यक्षता सम्पन्न भएको कार्यक्रममा स्वागत मन्तव्यसदस्य देवराज पुरी र कार्यक्रमको सन्चालन महासंघ पर्वतका सचीव गणेश गिरिले गर्नु भएको थियो । कार्यक्रममा पत्रकार महासंघमा आवद्ध पत्रकारहरुको सहभागिता रहेको थियो ।