k|d cf]nL gofF jif{df /f/faf6 ;Daf]wg k|wfgdGqL s]kL zdf{ cf]nL gofF jif{sf] cj;/df /f/f tfnaf6 zlgaf/ laxfg b]zjf;LnfO{ ;Daf]wg ub{} . t:jL/ M z'/axfb'/ l;+x, d'u', /f;;

१ वैशाख

काठमाडौं । कर्णालीको रमणीय रारा तालको डिलमा नयाँ वर्षको झुल्के घामसँगै एउटा कुर्सी राखिएको थियो । दायाँतिर राष्ट्रिय झण्डा टाँगिएको थियो ।

राराको डिलमा स्थानीयहरु हिँडिरहेका देखिन्थे । छेउमा सेनाको हेलिकोप्टर थियो । सोही हेलीकोप्टर चढेर रारा पुगेका मन्त्रीहरु पनि छेउमा थिए । र, त्यहीँबाट प्रधानमन्त्री केपी शर्मा ओलीले भावना मिश्रित १८ पन्ने लिखित सम्वोधन गरे देशबासीका नाममा ।

प्रधानमन्त्रीले भन्दै आएको विकास, समृद्धि, तीब्र गतिको विकास, भ्रष्टाचारको अन्त्य लगायतका विषयहरु भाषणमा समेटिएका छन् ।

प्रकृतिको रमणीय वक्षस्थलमा पुगेका कारणले हुनुपर्छ, प्रधानमन्त्रीको भाषणमा सौन्दर्यरस र सपनाहरुको मिश्रणमात्रै हैन, महानन्द सापकोटाको कवितासमेत कोट गरिएको छ ।

प्रधानमन्त्रीले आफ्नो सम्वोधनमा आफू तेह्रथुमको मध्यमवर्गीय परिवारमा जन्मिएकोसमेत बताए ।

कर्णालीको पर्यटन प्रवर्द्धनका लागि आजबाट सुरु हुने रारा महोत्वसको उदघाटनपूर्व प्रधानमन्त्रीले देशबासीका नाममा सम्वोधन गरेका हुन् ।

यसअघि शुक्रबार राराको डिलमा कर्णाली प्रदेशको क्याबिनेट बैठकमा समेत प्रधानमन्त्री र काठमाडौंबाट गएका केही मन्त्रीहरुले सहभागिता जनाएका थिए ।

रारा सम्बोधनमा के के छन् ? 

१. धनी र गरिवको खाड्ल कम गरी संविधान निर्देश ‘समाजवाद उन्मुख राज्य’  निर्माण गरिने
२. बेरोजगारी र निरपेक्ष गरिबी, आधारभुत स्वास्थ्य सेवा, यातायात, विद्युत, खानेपानी जस्ता न्युनतम सुविधाबाट बञ्चित हुनुपर्ने बाध्यताबाट मुक्त गर्ने
३. बालबालिका भर्ना अभियानलाई तीब्र गतिमा अगाडि बढाउने
४. समाजिक सदभाव, राष्ट्रिय एकता र शान्ति कायम गरिने
५.राजनीतिक अपराधिकरणको अन्त्य
६. भष्ट्रचार अस्वीकार्य
७. सन् २०२२ सम्ममा नेपाललाई अतिअल्पविकसित अवस्थाबाट स्तरोन्नत बनाउने
८. २०३० दीगो विकास लक्ष्यका १७ लक्ष्य र १६९ सहायक लक्ष्यको प्रतिवद्धता
९. सार्वजनिक-निजी साझेदारी (पीपीपी) लाई प्राथमिकता
१०. सरकारका पाँच आधारः राष्ट्रियता, लोकतन्त्र, समाजिक न्याय र समानता, समाजिक सदभाव राष्ट्रिय एकता, शान्ति तथा स्थायित्व एबम् विकास तथा समृद्धि

अर्थतन्त्र 

१.समृद्ध नेपाल निर्माणको महाअभियानमा सरिक हुन स्वदेशी तथा विदेशी लगानीकर्तालाई आह्वान
क) लगानी र मुनाफाको सुरक्षाप्रति सरकार प्रतिवद्ध
ख) अनावश्यक कानुनी र प्रशासनिक झण्झटको सामाना गर्नु नपर्ने
ग) अतिरिक्त सेवा शुल्क र कमिसन दिन नसकेर लगानी फिर्ता हुने अवस्था सृजना नहुने प्रतिवद्धता
२.विशेष आर्थिक क्षेत्र र विशेष औद्योगिक क्षेत्रको निर्माणमा प्राथमिकता
३. योजनाबद्ध आर्थिक विकास, पारस्परिक अन्तरनिर्भरता र व्यापार विविधिकरण भएको मुलुकलाई आर्थिक रुपले  आत्मानिर्भर बनाइने
४. सामन्ती प्रवृति तथा शोषणका सबै अवशेषको अन्त्य, उत्पादक शक्ति, उत्पादकत्व एवं उत्पादकत्व बृद्धि, सामाजिक न्याय एवम्) न्यायोचित वितरणसहितको आर्थिक समृद्धि
५. समाजवादोन्मुख राष्ट्रिय औद्योगिक आर्थिक क्रान्तिको मार्गनिर्देशन
६. गरिबी, बेरोजगारी, असमानता एवम् परनिर्भरताको अन्त्य

कृषि 

१. एकतिहाइ कृषिमा निर्भर रहेका वर्तमान अवस्थाबाट ५ वर्षमा २५ प्रतिशत सीमित पारिने
२. कृषि उत्पादकत्व ५ वर्षमा ४ गुणाले बृद्धि गर्ने
३. राष्ट्रिय अर्थतन्त्रमा कृषिको योगदानलार्य एकतिहाइबाट २० देखि २५ प्रतिशतमा सीमित गर्ने
४. कृषिको आधुनिकिकरण र व्यवसायिकरण गर्दै कृषिलाई सम्मानित पेशा तथा किसानलाई सम्मानित नागरिक बनाउन विषय सरकारको नीति तथा कार्यक्रममा नै ल्याइने

शिक्षा  

१. सबै पालिकामा एक-एक प्राविधिक तथा व्यवसायिक शिक्षा केन्द्रको स्थापना निर्णय भइसकेको
२.बालबालिका विद्यालको पहुँच भन्दा बाहिर रहने र आर्थिक अभावका कारण बीचैमा छाड्न पर्ने बाध्यताको अन्त्य गरिने
३.जनशक्ति उपलब्ध गराउने शिक्षा उद्देश्य बनाइने

स्वास्थ्य 

१. केही वर्षमा अर्ग्यानिक नेपाल बनाइने
२. सबै नागरिकको अनिवार्य स्वास्थ्य बिमा गरिने
३.गरिबीको रेखामुनिका जनता, बालबालिका र जेष्ठ नागरिकलाई निशुल्क स्वास्थ्य सेवा
४.स्वास्थ्य-शिक्षामा भइरहेको नाफा कमाउने माध्यमलाई निरुसाहित गरिने

अन्य 
१. भुकम्प पीडितको आवासको हक सुनिश्चित गर्दै भौतिक संरचना निर्माणलाई तीब्रता
२. बालविवाह र बहुविवाहमा पूर्णतः निषेध
३. जातीय विभेद तथा छुवाछुतको पूर्णरुपमा उन्मुलन
४. कर्णाली लगायतका दुर्गम प्रदेशका जनतालाई विकासको औसत राष्ट्रियस्तरसम्म पुर्‍याउन विशेष कार्यक्रम लागु गरिने
५. तराई मधेमा व्याप्त गरिबी, अभाव र अल्पविकासलाई सम्बोधन गर्ने