२० चैत्र

अटाइगर – दिशा 
बलिउडमा वास्तविक जीवनमा प्रेममा रहेका केही जोडी स्क्रिनमा पनि सँगै छाउने गरेका पाइन्छन् । अहिले ‘बागी–२’ का टाइगर श्राफ र दिशा पाटनीले पर्दामा धुम मच्चाइरहेका छन् ।


‘बागी–२’का यी जोडी वास्तविक जीवनमा पनि उत्तिकै चर्चित छन् । यिनीहरू प्रेमी–प्रेमिका हुन् । केही वर्षयता प्रेममा रहेका यिनीहरू रेस्टुरेन्टदेखि जिमसम्म, जहाँ पनि सँगै देखिन्छन् । टाइगरको परिवारका विशेष समारोहमा पनि दिशा देखिने गर्छिन् । तर, यी दुई पर्दामा देखिएको यो पहिलोपटक हो । फिल्ममा पनि यी दुईलाई दर्शकले मन पराएका छन् ।

० रणवीर – दीपिका 
रणवीर र दीपिका पनि पर्दाभन्दा बाहिर जोडीका रूपमा देखा पर्छन् । खबरअनुसार यी दुईले चाँडै नै बिहे पनि गर्दै छन् । उनीहरू पर्दामा पनि उत्तिकै सफल जोडी मानिन्छन् । पहिलोपटक यिनीहरूले सञ्जयलीला भन्सालीको ‘गोलियो कि रसलीला रामलीला’मा सँगै काम गरेका थिए । त्यसपछि उनीहरू भन्सालीकै ‘बाजिरावो मस्तानी’मा देखिए । यो जोडी अभिनीत फिल्म हिट भए । दुवैले काम गरेका भर्खरै प्रदर्शनमा आएको फिल्म ‘पद्मावत’ पनि हिट भयो । यिनीहरू रिल र रियल, दुवैमा उत्तिकै सफल मानिन्छन् ।


० अजय – काजोल
काजोल र अजय देवगणको जोडी पनि वास्तविक र फिल्मी जीवन दुवैमा अहिलेसम्म हिट छ । यी दुईको वैवाहिक जीवन पनि उत्तिकै सफल छ । यिनीहरूले सात फिल्ममा सँगै काम गरेका थिए । बलिउडमा अजय र काजोललाई आदर्श दम्पती मानिन्छ ।

० रणवीर – क्याट्रिना
रणवीर कपुर र क्याट्रिना कैफ पहिलोपटक ‘अजब प्रेमकी गजब कहानी’मा देखा परेका थिए । सन् २००९ मा रिलिज भएको सो फिल्म हिट भएको थियो । सोही फिल्म सुटिङताका यी दुई प्रेममा परेका हुन् ।
प्रेमको चरम बिन्दुमा रहँदै गर्दा उनीहरू अभिनीत राजनीति नामक फिल्म रिलिज भयो । त्यसमा पनि उनीहरूको जोडी मन पराइयो । दुवै फिल्म हिट भए । यो जोडी अभिनीत जग्गा जासुस भने फ्लप भयो । बिहेको हल्लासम्म चलेको भए पनि सोही फिल्मको सुटिङताका यी दुईको ब्रेकअप भयो । अहिले उनीहरूबीच सम्बन्ध सुमधुर छैन ।

० शाहिद – करिना
सन् २००४ मा ‘फिदा’ फिल्मको सुटिङताका शाहिद र करिना कपुर प्रेममा परे । सन् २००७ मा अलग हुनुअघि यी दुई ‘चाइना टाउन’ र ‘चुप चुप के’मा एकैसाथ देखिए । पछि ‘जब वी मेट’को सुटिङताका यिनीहरूको ब्रेकअप भयो । ब्रेकअप हुनुभन्दा अघि यी दुईको जोडी वास्तविक जीवनमा र फिल्मी जीवन दुवैमा हिट थियो । पछि, करिनाले सैफअली खानसँग बिहे गरिन् । शाहिदले भने गैरफिल्मी युवती मीरा राजपुतसँग बिहे गरे ।