१९ पुष

काठमाडौं- प्रधानमन्त्री शेरबहादुर देउवाले राष्ट्रियसभा निर्वाचन मितिसहितका विषयमा छलफल गर्न सर्वदलीय बैठक बोलाएका छन्। दलीय सहमतिका आधारमा राष्ट्रियसभा मिति घोषणाका साथै प्रदेशका प्रमुख र अस्थायी राजधानी तोक्ने विषयमा छलफल गर्न देउवाले सर्वदलीय बैठक आह्वान गरेका हुन्।

बैठक बिहीबार बिहान प्रधानमन्त्री निवास बालुवाटारमा बस्ने कार्यक्रम छ । बैठकमा सहभागी हुन प्रतिनिधिसभा निर्वाचनबाट राष्ट्रिय दलको मान्यता पाएका नेपाली कांग्रेस, नेकपा एमाले, नेकपा माओवादी केन्द्र, राष्ट्रिय जनता पार्टी नेपाल र संघीय समाजवादी दललाई देउवाले आमन्त्रण गरेका छन्।

‘राष्ट्रियसभाको निर्वाचन मिति, प्रदेश प्रमुख र अस्थायी राजधानी तोक्ने विषयमा छलफल गर्न सर्वदलीय बैठक आह्वान गरीएको हो,’ प्रधानमन्त्रीका प्रेस संयोजक गोविन्द परियारले भने, ‘यी विषयमा दलीय सहमतिको प्रयास गर्न प्रधानमन्त्रीले बैठक बोलाउनुभएको हो ।’

LEAVE A REPLY

Please enter your comment!
Please enter your name here