१७ पुष

काठमाडौं । माओवादी केन्द्रका अध्यक्ष प्रचण्डले देशको समृद्धि र विकासका लागि सत्तापक्ष र प्रतिपक्ष मिलेर अघि बढ्नुपर्ने बताएका छन् ।

ललितपुरको खुमलटारमा आइतबार विहान आयोजित एक कार्यक्रममा बोल्दै अध्यक्ष प्रचण्डले भने, ‘दलहरुबीच मिलेर जाने वातावरण बनाउन मेहेनत गरिरहेको छु । कांग्रेस र एमालेसँग छलफल भइरहेको छ । विकासका लागि के सत्तापक्ष के प्रतिपक्ष ?’

अहिले देशमा सुशासन र विकास आवश्यक भएको भन्दै प्रचण्डले त्यसका लागि दलहरुबीच समझदारी हुन आवश्यक भएको बताए ।

सबै दलहरु मिलेर देश निर्माण गर्नुपर्ने भन्दै उनले त्यसका लागिनै आफूले पहल गरिरहेको बताए । ‘सबै दलहरु मिलेर नै देश निर्माण गर्ने हो,’ उनले भने, ‘त्यसो गर्न सकिएन भने नेपालको भविष्य अप्ठेरोमा पर्छ ।’

आफ्नै पहलमा राष्ट्रिय सभा सम्बन्धी अध्यादेश अगाडि बढेको भन्दै प्रचण्डले राजनीतिक निकासका लागि सबैसँग मिलेर जानु पर्ने बताए ।

के पि ओली र प्रचण्डको कार्यगत शैलि फेरिएको छ । ओली प्रतिपक्ष संग आक्रमक छन् भने प्रचण्ड नरम देखिएका छन् । यस्ले के देखाउछ भने ओली र प्रचण्डको सहज मिलन हुने स्थिति देखिदैन । एमाले र माओवादी एकिकरणमा चिसोपन समेत देखिन थालेको छ । ओली गूटगत राजनितिमा रमाउन थालेका छन् भने प्रचण्ड देशको समृद्धि तर्फ चिन्तित देखिएका छन् ।

LEAVE A REPLY

Please enter your comment!
Please enter your name here