२४ भाद्र पोखरा। नेपाली काँग्रेसका महामन्त्री डा शशांक कोइरालाले  महामानव विश्वेश्रवर प्रसाद कोईरालाको विचार र सिद्धान्तलाई आत्मसाथ गरे मात्र यो देशले काचूली फेर्न सक्दछ । विपिले लिएको मेलमिलापको निति अहिले पनि सान्दर्भीक रहेको छ । उनले जहिले पनि दुर्गामी असरलाई मध्यनजर गरेर निति लिने गर्दथे । कम्यूनिष्टहरु साम्यवाद नै अन्तिम विकल्प हो भन्थे तर अहिले पूजिंवादको माधयम द्धारा विपिले लिएको समाजवादमा पूग्न सकिन्छ भनेका छन् । त्यसैले नेपालमा एउटै मात्र वाद छ त्यो हो समाजवाद । एक सय तीनौँ बिपी जयन्तीका अवसरमा काँग्रेस पोखरालेखनाथ महानगरपालिका–२६ वडा समन्वय समितिको आयोजनामा आज बिपी कुञ्ज उद्यानमा भएको प्रवचन कार्यक्रममा उनले २०१५ सालमा पहिलो जननिर्वाचित प्रधानमन्त्री बिपीको प्रधानमन्त्रीत्वकालदेखि नै नेपालमा विकास निर्माणको थालनी हुन सकेको हो भने।

डा कोइरालाले आगामी मंसिर १० र २१ गते हुने प्रतिनिधिसभा र प्रदेशसभाको निर्वाचनमा काँग्रेसलाई बहुमत दिलाएर बिपीको सपना पूरा गर्नेतर्फ कार्यकर्ता अग्रसर हुनुपर्नेमा जोड दिए।

सो अवसरमा बिपी चिन्तन प्रतिष्ठानका केन्द्रीय अध्यक्ष श्रीहर्ष कोइरालाले बिपीको चिन्तन र मननलाई आत्मसात् गर्न सके देशले छिट्टै विकासको फड्को मार्न सक्ने विचार व्यक्त गरे।

वडा समन्वय समितिका सभापति कृष्णमोहन भट्टराईको अध्यक्षतामा भएको सो कार्यक्रममा नेपाल महिला संघ कास्कीका सभापति कोपिला रानाभाट, डा तुल्सी भट्टराई, निर्मला ढुंगाना, चिनियाँ थापालगायतले बिपीको योगदानमाथि प्रकाश पारेका थिए।

LEAVE A REPLY

Please enter your comment!
Please enter your name here